高盛估计未来银行业仍须集资650亿美元，美国金融股结束三日反弹。
恒指牛市响去年10月结束，熊市一期喺今年3月完成，我地已进入漫长熊市二期。
响呢段日子利率保持响低水平（或会上升四分一厘到半厘，得咁多，多D都冇），经济数据时好时坏，恒生指数响20000至26500点之间上上落落。
响熊市二期，除非你系老练投资者，普通散户都系多做多错、少做少错、唔做唔错。喺熊市二期中，散户经常响不应出货时出货、不应入货时入货；不应卖出嘅项目卖掉、不应买入嘅对象却买入。人非圣贤，有谁无错？我老曹亦经常犯错，为阻止自己犯大错，熊市二期我老曹投资策略系三七分（即只动用30％本金，其余70％以外币存款为主），既能满足自己嘅投资欲，亦可证明自己嘅眼光原来同大部分散户差唔多。熊市二期投资策略，记住要分散、分散再分散。
至于time the market，除咗牛转熊或熊转牛，捕捉熊市二期嘅上上落落，往往心大心细。响熊市二期中做market-timing并唔容易。五穷、六绝、七翻身，睇嚟6月份似乎诸事不宜。
《信报》三十五周年嘅口号系「顺理致远」，强调「理」性分析、讲「道理」唔讲「感性」。上述口号改自孔明嗰句「非宁静无以致远」。投资亦需要一颗宁静之心，即既不乐观亦不悲观，处事冷静，才能理性分析。近日香港天气既唔系阳光普照亦唔系山崩地裂，而系滂沱大雨。有地方水浸，有地方山坭倾泻，因此更要宁静嘅心情去做理性分析。如果你嘅投资令你晚上睡得唔好便卖掉它吧，因你已过分投资！
今时今日嘅投资戒条：
一、唔好投资长期债券，担心债券大牛市2000年开始，2003年中已结束。
二、细价股只宜细细注大大声，除非你有内幕消息，不然只宜浅尝即止。
三、强调股息率。边D业务稳定、派息稳定嘅股份可以揸多D作收息用。
四、如阁下响3月到5月表现不俗，Stop！今天我地面对嘅系绵绵不绝嘅熊市二期，唔系绵绵不绝嘅牛市二期。赚到钱不妨庆祝母亲节、父亲节……到郊野看花有多美、草有多绿。唔好以为6月到8月可重演3月到5月嘅情况。
食有时、睡有时，响熊市二期能够唔蚀本成绩已不俗。
为咗避免「荒于戏」，仍可将30％本金用作投资，以免他日牛市来临时自己仍懵盛盛。响熊市二期仍投资，理由系keep your feet wet（不然你可能冇兴趣再落水）。
光大证券房地产行业分析师赵强表示，中国房价被高估30-40％，但唔存在严重泡沫。作为衡量房价其中一个标准系租金收益率，从2006年开始持续走低。响中国，租金仍以每年双位数以上嘅速度上升，而租金收益率仍持续走低，代表房价升幅大于租金升幅。
其次系供楼能力，无可否认当前中国房价存在明显高估，但高估程度并唔严重！
再以国际经验睇，房地产市场长周期平均为十八年，喺周期见顶前，往往出现严重投机。例如香港最近一个地产周期由1984年年中开始，到2003年年中结束，为期十九年（本应喺2002年年中结束，受沙士疫症加上二十三条立法影响，延迟一年），上升十三年、回落六年。依家内地房产仍处上升周期，正面对其中一个短期调整，香港对上一个地产周期由1967年起步、84年结束共十七年；由1967年上升到73年后，因股市下跌，楼价亦曾出现20％调整，到1975年再上升。家吓内地楼价亦面对相同情况，而非乜嘢硬着陆。
曹仁超2008-06-19投资者日记
0
