展望股市，我老曹仍认為系熊市二期，极之波动，作為投资者必须好好控制自己嘅情绪，莫太喜亦莫太悲。

股市必须吸啜大量嘅投资者入市，然后先至出现另一次嘅大屠杀。

作為投资者必须脱离恐惧与贪念，以及希望与歇斯底里四大情绪先可以成功。

每次高潮过后，旧领袖股必死亡，喺新领袖股诞生前，大市死气沉沉。

投资者日记 [曹仁超] 2008 08 05

慢慢等A股V形底
我老曹话1967至97年可以揸货赚钱（Buy and hold）；甚至喺1973年3月1700点时入货，只要有耐性，揸到1997年恒指见17000点时出货，仍可赚十倍。1997年起，赚钱嘅方法系放眼世界及胸怀祖国。

既可喺1997至2000年3月外国科网股身上赚钱，亦可喺2000年起内地资源股身上赚大钱。今年喺2008年，时光永远唔会倒流，未来赚大钱嘅机会喺边？唔使灰心，It is still a Wide World of Great Opportunity，但机会唔喺美国亦唔喺西方国家，而喺中国嘅中產阶级冒起。

美国只得三亿人口，欧洲区亦差唔多；日本得一亿二千八百万，三个加埋亦只得七亿；中国却有十三亿人口，再加印度嘅十亿，两大国二十三亿嘅人口正由贫穷走向小康，再由小康走向中產；仲有东欧、中东及东南亚等。

中国经济正由出口及製造业為主，急速转向内部消费。我老曹预测一个V形反弹迟早喺内地出现，今天只系耐心等候股市嘅V底。

我老曹喺1974年7月恒指460点时入市，而唔系喺12月150点，令我老曹后悔左一生。因此，内地Ａ股唔好太早睇好，点样捕捉早唔会早迟唔会迟嘅机会呢？9月我老曹将喺研讨会上同大家分析，请留意本报嘅广告。

后市展望系油价跌破100美元同升穿200美元，可產生两个唔同嘅2009年。因此，需要D时间观察。

我老曹嘅想法系Invest because of China, but not in China！（投资系因為中国，但唔系投资中国。）

一如Peter Bernstein所言划时代嘅改变将会出现。例如1929年、1966年及1982年，旧嘅投资方法渐渐死去，新嘅投资方式出现。未能了解潮流嘅改变者喺1929年股市大危机中没落，由新生一代取代；1966年未能了解通胀来临威力者亦被淘汰；1982年信贷膨胀嘅时代来临而冇好好利用者亦出局。今天我地正面对东西方地位改变，东方冒起而西方下沉嘅新旧交替期。西方嘅经济面对楼市泡沫及信贷危机而陷入绵绵不绝嘅衰退期（情况好似九十年代嘅日本）；东方经济正进入脱胎换骨期，逐渐由出口及製造业改為内部消费，未来二十年中国嘅GDP仍可保持每年6％实质增长！

至於沪深A股熊市可能喺2008年年底或2009年上半年结束，并进入漫长嘅牛市，因為未来有三亿至五亿嘅中產阶级人口喺中国出现，2008及09年只系青黄不接期。

0　中国博客界的"奥斯卡"大奖开赛啦！　我要参加　我要投票