格罗斯（美国债券大王）管理1300亿美元资產嘅Total Return Fund担心受楼市影响下，美国今年第四季及明年第一季GDP出现负增长（即系确认衰退）。

唔识就唔好投资

　　哈佛大学350亿美元捐献基金（Endowment Fund）今年上半年升值9％。家吓呢隻基金17％投资商品包括森林。今年美国九十个捐献基金中只有20％仲有钱赚，平均系蚀3.1％。哈佛今年仲赚9％（过去十年每年平均赚15％）认真好野。证明左出色者无论投资市况系点，表现都系出色。

 

　　好多人以為富贵险中求。五十年代后期至1969年呢十三年内，股圣毕非德同别人合作投资，平均每年增值30％。到1969年因為再搵唔到值得投资嘅项目，所以决定结束呢个partnership而将D钱分左。佢自己分到2500万美元，之后收购一间上市纺织厂巴郡再将佢变成自己嘅旗舰。

佢从来唔从事高风险及复杂嘅投资项目，只系小心谨慎咁拣项目，愈简单愈好。

　　有人问股圣羊野系风险？佢嘅回答系:

去年嘅Accumulator文件一大叠，我老曹曾花左两个鐘都睇唔明（可能我老曹知识水平差），所以决定唔玩，部分朋友却唔睇就签个名落去；今年佢地话畀我老曹知蚀左过千万元（部分蚀得仲劲），问我老曹有冇方法解救？我老曹连Accumulator系乜都唔识又点有资格教人！好似嗰D CDS亦系极之复杂嘅野，至於有几多银行职员真系识，我老曹唔知，只有恒生银行（011）嘅柯清辉最坦白，佢话唔识就唔好玩。

　　投资唔系冒风险而系小心谨慎；复杂项目如果自己都唔识就唔好玩，因為赚钱其实好简单。

贪心同士刁拔只系一线之隔。点解你会做士刁拔嘅事？理由系贪心，世上冇真正士刁拔嘅人只有贪心嘅人。例如利用过度槓桿希望一朝发达或过度借贷希望maximization returns者。

不过，去年10月开始全球去槓桿化及减少借贷，令衍生市场成交额下降，大金融机构唔够营业额；去年10月起我地已由贪心嘅年代进入小心嘅年代。 

 2008-08-22 投资者日记| 曹仁超